Copyright © 2000 by Telsa Gwynne
Copyright © 2001 by Hizkuntza Politikarako Sailburuordetza (euskarazko itzulpena)
Jonen erloju bitarraren applet-ak, ( Figure 1), modu berezian erakusten du ordua: bitarrean kodetutako hamartarrean. Hogeita lau LED ditu orduak, minutuak eta segundoak irudikatzeko. Applet hau Panel bati gehitzeko, egin klik eskuineko botoiaz Panelean eta aukeratu Panela->Gehitu panelari->Applet-a->Erlojuak->JBC erloju bitarra .
Ez daukazu erloju honi ezer berezirik egin beharrik. Besterik gabe hortxe egongo da argiak erakutsiz.
Applet-ean eskuineko botoiaz klik eginez gero, elementu hauek dituen menua agertuko zaizu:
Laguntza — dokumentu hau bistaratzen du.
Honi buruz… — Jonen erloju bitarraren applet-ari buruzko oinarrizko informazioa ematen du, esaterako applet-aren bertsioa eta egilearen izena.
BCD laburtzapenak "binary coded decimal" adierazten du (bitarrean kodetutako hamartarra) eta ohiko zenbaki hamartarrak (0,1,2,3,4,5,6,7,8,9) irudikatzen ditu, programatzaileek deskribatzen duten moduan: "4 biteko zenbaki bitarren multzo gisa, eta beraz, Atik Fra bitarteko zenbakiak kenduta". Horrek inongo zentzurik ez badu, gogoan izan erlojua programatzaileentzako denbora-pasa dela, eta ez duela erabilgarritasunik.
Erloju hau alderantziz errazago irakurtzen da! Hasi behetik eta irakurri gorantz.
Eskuineko zutabe-bikoteak segundoen bi digituak erakusten ditu: unitateak eskuinean eta hamarrekoak ezkerrean. Erdiko zutabe-bikoteak minutuen bi digituak erakusten ditu. Ezkerreko zutabe-bikoteak orduen bi digituak erakusten ditu.
Zutabe bakoitzean argitzen diren LEDen balioak batu behar dituzu. Bakoitzari 0 eta 9 arteko zenbaki bat jarri behar diozu. Horixe da ordua.
Beheko LEDak 1 irudikatzen du argituta dagoenean.
Hurrengo LEDak 2 irudikatzen du argituta dagoenean.
Hurrengo LEDak 4 irudikatzen du argituta dagoenean.
Goiko LEDak 8 irudikatzen du argituta dagoenean.
Errazagoa da orduak eta minutuak deszifratzea segundoak jarraitzen hasi aurretik, horiek etengabe aldatzen baitira.
Adibide gisa Figure 1 in the Section called Jonen erloju bitarraren applet-an azaltzen den ordua irakur dezakegu. Has gaitezen orduarekin. Lehen zutabeak LED bakarra du, behetik hasi eta bigarren posizioan, eta beraz, orduaren lehen digitua "2" izango da. Bigarren zutabeak ez du LEDik piztuta, eta beraz, orduaren bigarren digitua "0" izango da. Horrenbestez, ordua "20" da, edo 8PM AM/PM modua nahiago dutenentzat. Minutuei begiratzean, "0" daukagu lehen digitutzat, eta bigarren digitutzat, berriz, "1", beheko LEDa bakarrik baitago piztuta. Oraingoz, orduan, "20:01" daukagu. Eta azkenik, segundoak ditugu. Lehen digituarentzat beheko bi LEDen argia bakarrik daukagu piztuta. Horien balioa 1 (behekoarena) eta 2 (bigarrenarena) izango da, eta biak batuta, denera "3". Eta segundoen bigarren zutabeak goiko LEDa dauka piztuta, eta ondorioz "8"ko balioa du. Hori horrela izanik, ordua "20:01:38" da, edo "8:01:38PM".
Panel bertikal bati gehitzen badiozu, tamaina polita izango du. Gero panel horizontal batera eramaten baduzu, tamainaz aldatuko da panel horizontalean. Berriro ere panel bertikalera eramaten baduzu, ez da tamainaz aldatuko, eta panela zabaldu egin beharko da.
Jonen erloju bitarra Jon Anhold-ek idatzi du (<jon@snoopy.net>). Bidali zure iruzkin, iradokizun eta akatsen berri-emateak GNOMEren akatsen segimendurako datu-basera. (Akatsei buruzko berriak bidaltzeko argibideak linean aurkituko dituzu.) GNOMEren 1.1 bertsioa edo berriagoa baduzu, Akatsen berri emateko tresna (bug-buddy) ere erabil dezakezu akatsen berri emateko. Tresna hori Menu nagusiko Utilitateak azpimenuan duzu eskuragarri.
Eskuliburu hau Telsa Gwynne-k idatzi du (<hobbit@aloss.ukuu.org.uk>). Eskuliburuari dagozkion iruzkinak eta iradokizunak GNOMEren dokumentazio-proiektura bidal ditzakezu: <docs@gnome.org>. Iruzkinak linean ere egin ditzakezu GNOMEren dokumentazio-egoeraren taula erabiliz.
Euskarazko itzulpena Hizkuntza Politikarako Sailburuordetzak egin du (<hizkpol@ej-gv.es>). Itzulpenari buruzko oharrak eta iradokizunak helbide honetara bidal ditzakezu: <hizkpol@ej-gv.es>
Programa hau software librea da; birbana eta/edo alda dezakezu, Free Software Foundation-ek argitaratutako GNU Lizentzia Publiko Orokorraren 2. bertsioan, edo (nahiago baduzu) bertsio berriago batean, jasotako baldintzak betez gero.
Programa hau erabilgarria izango delakoan banatzen da, baina INOLAKO BERMERIK GABE; era berean, ez da bermatzen beraren EGOKITASUNA MERKATURATZEKO edo HELBURU PARTIKULARRETARAKO ERABILTZEKO. Argibide gehiago nahi izanez gero, ikus GNU Lizentzia Publiko Orokorra.
GNU Lizentzia Publiko Orokorraren kopia bat GNOMEren erabiltzailearen gidaren eranskinean daukazu. GNU Lizentzia Publiko Orokorraren kopia Free Software Foundation-en bidez ere lor dezakezu haren web gunea bisitatuz edo hona idatziz:
Free Software Foundation, Inc. 59 Temple Place -
Suite 330 Boston, MA
02111-1307 USA